Skryfnet se aanlyn kursus – Skryf ’n Kinderverhaal – begin op 12 Augustus 2024. Dié ses weke lange kursus is ontwikkel deur die gesoute kinderboekskrywer en handelsmerkbestuurder, Carina Diedericks-Hugo, en word aangebied deur nog ’n gewilde skrywer, Nanette van Rooyen. Hierdie is nie ’n inleidende kursus nie, en ons beveel dit sterk aan dat deelnemers reeds ’n inleidende skryfkursus by Skryfnet of elders voltooi het wanneer hulle vir hierdie kursus inskryf. 

 Sodra die aankoop en registrasie gefinaliseer is, ontvang deelnemers besonderhede om aan te teken op die aanlyn leerplatform. Deelnemers ontvang elke week nuwe leerinhoud op dié platform en kan dan teen hul eie pas die inhoud deurwerk en die week se werkstuk voltooi. Die aanbieder ondersteun die deelnemers om die inhoud en vaardighede te bemeester en gee ook weekliks terugvoer op werkstukke. Deelnemers kan ook enige tyd met mekaar gesels op die platform se kletskamer. 

 Aan die einde van die kursus sal deelnemers kan spog met die nodige kennis en vaardighede om ’n kinderboek te skryf, en ’n sertifikaat van Skryfnet.